Trofeu i Kupës së Botës ka qenë sot i ekspozuar në Tiranë, aty ku tifozët kanë pasur mundësinë për të parë nga pranë trofeun më të lakmuar në glob. I pranishëm në ceremoni ka qenë edhe kryeministri Edi Rama, që ka pritur trofeun nga një kampion si braziliani Gilberto Silva.
Në fjalën e tij, Rama ka thënë se dogana jonë sot ka qenë me fat, duke pasur dy zhdoganime kupe, atë të Botës dhe Conference League.
“Jam mirënjohës njërit prej kampionëve të Brazilit që solli kupën këtu. Kur e sheh nga afër duket sikur është bërë nga një skulptor italian dhe i bërë posaçërisht për Brazilin. Nuk ishte më mirë sesa një kampion brazilian të vinte këtu dhe të ishte me kupën.
Këto janë ditë të veçanta për doganën shqiptare, sepse për herë të parë u ndeshën me zhdoganimin e dy kupave, të botës dhe ajo e conferencës. Janë nga ato halle që do të donim t’i kishim edhe më të shumta në të ardhmen. Edhe pse orët e qëndrimit janë sa gishtat e dorës, sepse më pas do vazhdoje udhëtimin e saj. Uroj që sa më shumë futbolldashës të kenë mundësoi ta vizitojnë dhe uroj që garda mos t’i krijojë probleme.
Shikoj që mes të tjerash këtu është edhe kapiteni ynë, Lorik Cana. Më thënë të drejtën unë nuk e di kush është kapiteni ynë i kombëtar sot. Të gjithë ata që e ndjekin Lorikun janë si zëvendës të tij. Mbase vjen dita ta fitojmë edhe në një kupë”, tha Rama.
Loading ...
