Skuadra e Këlcyrës militon në Kategorinë e Dytë, teksa ka nisur përgatitjet për sezonin e ri. Përmes një njoftimi në kanalin zyrtar bëhet me dije që është konfirmuar i gjithë grupi, ndërsa po punohet me seriozitet në merkato për të përforcuar ekipin me elementë cilësor.
Bëhet me dije që është arritur marrëveshja me 4 lojtarë, emrat e të cilëve preferohen të qëndrojnë hermetikë.
“Merkato për ekipin tonë ka filluar! Nga drejtuesit konfirmohet i gjithë grupi që mbylli me sukses kampionatin e vitit të kaluar.
Pas përfundimit të kampionatit e deri në ditën e sotme ka pasur bisedime me shumë futbollistë. Është arritur marrëveshja me 4 lojtarë të cilët kanë qenë pjesë e Kategorisë së Parë. Forca Ulërima!”, shkruhet në njoftimin e klubit të Këlcyrës.
Loading ...
