Vora është zyrtarisht në Superiore. Fitorja e sotme në shtëpi përballë Burrelit me rezultatin e pastër 2-0, bëri që skuadra e Vorës të ngjitej në elitën e futbollit shqiptar. Në përfundim të këtij dueli ka folur trajneri fitues, Arjan Bellai.
“Në radhë të parë dua t’i jap përgëzimet dhe fjalët më të mira për futbollistët. Ata janë ata që pasqyrojnë punën tonë, që nga dita e parë deri më sot duke qëndruar në krye të tabelës. Bindshëm dhe me meritë kemi këtë ngjitje në Superligë. Vjet që hipëm në Superiore me Bylisin ishim në vendin e dytë, ndërsa sot do ngremë Kupën.
Ka qenë një grup i shkëlqyer, kanë qenë të mrekullueshëm më njëri-tjetrin edhe në dhomat e zhveshjes. Dua ta çoj edhe unë Kupën, pasi vjet e shijova ngjitjen në Superiore, por këtë herë u gëzuam dy herë para mbylljes së kampionatit. Shkruajtën emrin e Vorës me gërma të arta. Kam folur me presidentin, do të vendoset pas mbylljes së kampionatit.
S’duhet të harroj stafin tim apo punëtorët që të mos u mungojë asnjë fije floku futbollistëve. Merita në përqindje, presidencë, staf teknik dhe lojtarë, si do i ndaja? Unë do t’i ndaj gjithmonë përqindjen më të shumtë presidenti që na dha këto kushte, pasi është kënaqësi. Kemi pasur çuna nga 23-vjeç dhe kam pasur dëshirë të rriten”, është shprehur Bellai.
Lexo gjithashtu
