Vora u ndal ditën e sotme ndaj Apolonisë në një barazim me shifrat 1-1. Në përfundimin e takimit, trajneri i “bluve” Arjan Bellai doli në prononcim aspak i kënaqur për çfarë dha takimi i sotëm.
“Do luftojmë prap gjithsesi. Të gjithë janë kundër nesh. Nuk është herë e parë, më pëlqen që çunat e shesin shumë shtrenjtë kokën. Paguhet shumë shtrenjtë koka e këtyre çunave. Hallall për çunat që luajnë.
Nuk më pëlqeu se janë disa ndeshje rresht, disa gjëra që nuk më pëlqejnë. Kishim raste, kam thënë nuk do flas për arbitrin asnjëherë, por edhe duhet të flasësh nganjëherë. Unë korrigjoj, atë që ishte karton i kuq, këtu nuk është bërë ndërrimi akoma, ai luan topin.
Një herë gabim, 2-3-4-5 herë gabim. Dy-tre herë quhet që nuk e bëj dot, por e pesta dhe e gjashta pastaj… Fieri me një goditje bëri një gol, nuk erdhi prap, vetëm mbrohej, ne kishim shanset dhe atë që bëjmë çdo ndeshje, që humbasim rastet”,tha Bellai.
Lexo gjithashtu
