Bylisi fitoi sot 3-0 ndeshjen kundër Sopotit të vlefshme për Grupin B në Kategorinë e Parë.
Por, më shqetësuese për klubin e Sopotit ishte dëmtimi i portierit Bejte, i cili pësoi frakturë në dorë gjatë ndeshjes pas një përplasjeje me një nga kundërshtarët.
Portieri i Sopotit u dërgua me urgjencë në spital ku mori ndihmën e specializuar. Mungesa e tij larg fushave pritet të jetë e gjatë, ndërsa rrezikon të mbyllë sezonin, ndonëse për më tepër informacion rreth mungesës së tij pritet një komunikim zyrtar nga ana e klubit librazhdiot.