Elbasani luan sot me Turbinën sfidën play-out në grupin B të Kategorisë së Parë. Dueli do luhet në stadiumin e Peqinit, pasi skuadra e Elbasanit për çudinë e të gjithëve nuk lejohet të luajë të shtëpinë e vet. “Elbasan Arena” është padyshim stadiumi me fushën më të mirë në Shqipëri, ndërsa është bërë shtëpia e Kukësit prej dy sezonesh apo edhe e Partizanit.
Për çudi, vendasit e Elbasanit që luftojnë për mbijetesën në të Parën dhe janë pranë rënies më poshtë nuk kanë një stadium ku t’i zhvillojnë ndeshjet, me drejtuesit që enden ku të gjejnë fushë të lirë. Pas Cërrikut, është Peqini shtëpia e kësaj jave. Elbasani duket se është në rrugën drejt rënies, teksa luan sot me Turbinën në 15:00.
Loading ...
