Ervin Skela ishte një nga lojtarët më të mirë të Kombëtares shqiptare ndër vite. Mesfushori vlonjat ndodhet aktualisht në Gjermani ku luajti për disa sezone e tani jeton prej shumë kohësh. Në një prononcim për “Fan Zone”, Skela foli për gjendjen e vështirë që po kalon bota për shkak të pandemisë së coronavirusit.
“Në shtëpi normalisht, jam tip optimist që kjo situatë do të kalojë shumë shpejt. Në datën 16 të këtij janë mbyllur të gjitha gjërt këtu në Gjermani dhe para dy ditësh ka dal ligji që nuk duhet të ketë më shumë se dy veta në rrugë. Mund të dalësh pak në pyll vetëm për vrap dhe jo në grupe. Shumë të rinj nuk e morën seriozisht këto rregulla dhe Qeveria gjermane u detyrua të merrte masa më të ashpëra.
Kjo është një peruidhë mjaft e vështirë, por bisedojmë me Çipin, Fakajn e tjerë e flasim më shumë se 10 herë në ditë. Kujtojmë edhe fotot e vjetra e shumë kujtime që kemi kaluar.
Jam shumë me fat që ndodhem në Frankfurt dhe te akademia ku rriten talentat. Në Kupën UEFA dhe në kampionat jemi mirë dhe tifozët këtu janë shumë të zjarrtë dhe kemi bërë një hap të madh përpara. Sot u fol në Gjermani që kampionati do të vazhdojë dhe mund të luhet pa tifozë, por që do të luhet deri në fund. Çdo gjë varet nga situata emergjente dhe unë dua të bëj një thirrje dhe ne si shqiptar duhet të bëjmë më të mirën për këtë që po kalojmë.
Do vijë në Shqipëri për të marrë një skuadër? “Unë e kam thënë që ndihem shumë mirë këtu dhe më kanë futur pjesë të skuadrës. Dua të marrë një skuadër këtu në Gjermani e për të treguar veten time sa I aftë jam”, u shpreh Skela.
Loading ...
