Gjermania ka edhe një ndeshje për të luajtur, atë ndaj Kosta Rikës ku do të kërkojë me cdo kusht fitoren për të shpresuar në kualifikimin e grupit. Kalimi nuk është plotësisht në dorën e tyre pasi Spanja duhet të mposhtë Japoninë në ndeshjen tjetër.
Në emisionin “Sport Magazine” nga Drilon Xhepollari në Ora News, mbi situatën e gjermanëve ka folur edhe ish-futbollisti i Kombëtares shqiptare, Altin Rraklli që ka luajtur më parë në Bundesliga.
“Që të analizojmë sot Gjermaninë, duhet të kthehemi te këto 4-5 vitet e fundit, sepse kanë lidhje me njëra-tjetrën për mendimin tim.
Qysh në kohën e trajnerit Lëv, Gjermania nuk ishte më ajo e 10 viteve, kur fitoi Kampionatin Botëror. Ndryshoi komplet modulin e saj.
Po me të njëjtët lojtarë, nuk bëri asnjë ndryshim në filozofinë e vetë. Është e njëjta Gjermani (me atë të 4 viteve më parë), po me të njëjtët lojtarë me një moshë më të madhe, po me të njëjtin sistem loje dhe patjetër që do vinte ky dështim që erdhi para 4 viteve dhe që po sigurohet edhe në këtë Kampionat Botëror.
Nëse e vini re, megjithë respektin e madh për atë që ka dhënë për futbollin gjerman e për ekipin kombëtar, Tomas Myler nuk mund të jetë më pjesë e ekipit kombëtar. Nëse ti do të fitosh Kampionatin Botëror, nuk mund ta fitosh më me Tomas Mylerin. Kjo gjë duket shumë-shumë qartë. Një nga gabimet e këtij trajneri”, ka thënë Altin Rraklli.
Loading ...
