Juventus është një nga skuadrat më aktive në këtë merkato, sidomos në atë në dalje.
Pas Pjaca dhe Frabotta, klubi torinez është gati të heq dorë edhe nga të tjetër futbollistë që nuk bëjnë pjesë në planet e trajnerit Massimiliano Allegri.
Italiani po kërkon një profil të ri për mesin e fushës dhe sulmin, e nëse dëshiron të arrijë tek njëri prej Locatelli, Pjanic e Kaio Jorge, duhet që fillimisht të shes.
Në rast të largimit të Merih Demiral, Juventus do lironte një vend shtesë dhe do arrinte që të firmoste me Kaio, si një futbollist jashtë shteteve të Bashkimit Europian.
Atalanta dhe Borussia Dortmund kanë shfaqur interes për turkun dhe largimi i tij do sillte deri në rreth 30 milionë euro në arkat e klubit nga Torino.
Loading ...
