Juventus bën gati paktin, ja kur vendosen fatet e Allegrit

Dështimi për të sjell në Torino trofeun e UEFA Champions League ka lëkundur së tepërmi pozitat e Massimiliano Allegri te Juventus, me teknikun italian që mund të largohet në fundin e sezonit.

Lajmi bëhet i ditur nga “La Repubblica”, që zbulon se pozitat e trajnerit janë lëkundur tepër në muajt e fundit. Duke iu referuar këtyre burimeve, Allegri do të ketë një takim me presidentin Andrea Agnelli javën e ardhshme, ku do vendosen edhe pikat mbi “I”.

Nëse Allegri largohet nga Juventus, PSG e Barcelona e presin me krahë hapur, teksa nuk përjashtohet mundësia që të qëndrojë një vit pushim. Ndërkohë, zëvendësuesi i 51 vjeçarit te bardhezinjtë mund të jetë ish-trajneri i Juventusit, Antonio Conte.