Partizani nuk arriti të merrte më shumë se një barazim 1-1 kundër Tiranës, ndeshje e vlefshme për javën e 33-të të Superiores. Të kuqtë kaluan të parët në avantazh me Victor Da Silvën, por nuk arritën ta shfrytëzonin teksa Ardit Deliu i ngriu festën dhe buzëqeshjen.
Megjithatë goli i pësuar nga ana e Partizanit u analizua mbrëmë në panelin e emisionit “Skaner” nga Sulejman Starova. “Bobi” i vuri fajin Valentino Murataj për golin e shënuar nga bardheblutë.
“Shikoni ku është Murataj. Çfarë do ai atje? Topi niset nga anësorja. Ai gjendet pikërisht atje ku janë dhe lojtarë të tjerë. Detyra e tij ishte të markonte mesfushën e Tiranës. Pas daljes së Rrapajt ai u pozicionua në vend të tij. Veç portierit që ka fajin e vet, sigurisht që dhe Murataj aty lë për të dëshiruar”, deklaroi Starova.
Lexo gjithashtu
