Trajneri I Egnatias, Gugash Magani ka folur për RTSH Sport pas barazimit 2-2 që rrogozhinasit morën me Burrelin në miqësore. Trajneri ka theksuar se golat erdhën për gabime individuale, ndërsa ekipi është gati për nisjen e sezonit.
Magani hedh dorezën e sfidës, duke pretenduar se me grupin e lojtarëve që ka, skuadra e tij do të luaj në Kategorinë Superiore, duke qenë pretendente për titullin kampion në grupin B të Kategorisë së Parë.
“Bëmë një test me skuadrën e Burrelit dhe na shërbeu shumë. Bëmë gabime individuale dhe do punojmë që mos përsëriten më. Mendoj se grupi ynë shumë I fortë në Kategorinë e Parë dhe çdo gjë zhvillohet në fushën e lojës, jemi të fryrë mediatikisht. Loja është e ashpër dhe ka dyluftime të forta.
Ka momente që gjyqtari që për hir të fushës lejon lojën e fortë, do punojmë që mos përsëriten gabimet. Me Burrelin u ndëshkuam nga gabime individuale, jemi në rrugën që presim. Besoj se me këtë grup do përballojmë kampionatin, sepse kemi lojtarë mbi mesataren dhe pretendojmë Superligën”, tha Magani.