Luftëtari është e vetmja skuadër në kampionat deri më tani që nuk ka marrë asnjë pikë në dy takimet e para. Në fillim u mundën nga Kastrioti 0-1 dhe në transfertën e Laçit u mposhtën 2-1, madje ishin duke fituar.
Megjithatë është ende herët për të bërë llogaritë, sepse është vetëm fillimi, mirëpo ndeshja e radhës nuk është aspak një lajm i mirë për gjirokastritët. Në shtëpi presin Flamurtarin, që është më i karikuar se asnjëherë tjetër, sepse në fundjavë mundën pas 5 vitesh Kukësin, por mbi të gjitha po tregohet një skuadër kompakte dhe e mirëorganizuar, me ide.
Llogaritë nuk bëhen asnjëherë përpara takimit, por në këto kushte ekipi i Kostiç ka shumë pak mundësi të fitojë përballë “flotës” së Ilir Dajës.
Loading ...
