Në fundjavë rikthehet Kategoria Superiore. Një ndër ndeshjet e javës së 4 të kampionatit do të jetë ajo mes Luftëtarit dhe Flamurtarit që do të luhet në Gjirokastër, ditën e shtunë në orën 16:00.
Deri më tani, interesant është fakti se asnjë prej këtyre ekipeve nuk ka marrë asnjë pikë, duke pësuar 3 humbje radhazi. Për momentin, në tabelën e renditjes janë vetëm këto 2 skuadra që nuk kanë asnjë pikë, e ndërsa sfida e radhës do e reduktojë këtë imazh, ekipet mund të ndahen minimalisht me nga 1 pikë, ose në të kundërt, ose bluzinjtë, ose kuqezinjtë do marrin pikët e plota për herë të parë këtë edicion.
Në fakt, përveç humbjeve, asnjë prej skuadrave nuk po kalon moment të mirë edhe menaxhim, sepse për fillimin e kampionatit janë bërë përgatitjet në kohë record. Vlonjatët nuk kanë shanuar ende golin e parë të kampionatit, e ndërsa kanë pësuar 5 të tillë.
As gjirokastritët nuk janë shumë larg këtyre statistikave, duke pësuar 7 gola, e ndërsa kanë shënuar vetëm 1, që mban firmën e Realdo Filit.
Lexo gjithashtu
