Ish-lojtari I Skëderbeut, Dorjan Tahillari ndodhet në gjendje të rëndë shëndetësore. 18-vjeçari ka kryer deri më tani 5 operacione, por nuk është shërua plotësisht.
Ai është diagnostifikuar me tumor malinj e për t’u shëruar nevojitet një tjetër operacion që kushton rreth 100 mijë euro.
Familja e tij është në gjendje të vështirë financiare e nuk mund të pagujë dot këtë operacion dhe bëjnë apel për ndihmë.
Dorjani në profilin e tij në Instagram ka shkruajtur një poezi mjaft prekëse me titullin “Dua një ditë me dritë”, pasi dëshira e tij është të shërohet plotësisht e të realizojë ëndrrat si gjithë moshatarët e tij.
Poezia e Dorjan Tahirllarit:
Një ditë ku asgjë nuk ishte si ditët e tjera,
një ditë ku nuk kishte asgjë brenda saj.
Një ditë që të shurdhonte nga vetmia.
Një ditë ku mërzia dukej e zakonshme.
Një ditë ku dukej sikur dhimbja ishte miku im.
Një ditë ku lulet janë ujitur nga lotët e mi,
ku nëna lutej për shërimin e këtij djali.
Një ditë ku kujtova gjithçka…
Fëmijërinë time,fushën e gjelbërt,shokët e mi…
Një ditë ku lotoja dhe vuaja për ëndërrat,qëllimet dhe motivet e mia…
Kujtoja ditën kur lutesha për to e sot ato luten për mua…
Një ditë ku lutja është tek Zoti…
Dua t’i lutem atij për ëndërrat e mia.
Dua t’i lutem për mua…
Ishte një ditë që më kujtoi gjithë ato ditë…
Loading ...
