Red Veriu ka reaguar ashpër për ngjarjen e rëndë të Aldo Teqjës, ku fillimisht u raportua si vetëhedhje nga pallati, ndërsa ditën e djeshme prindërit e tij treguan se lojtari i Partizanit kishte rënë aksidentalisht. Sipas babait të tij, 24-vjeçari kishte qenë duke rregulluar një tendë dhe padashur kishte rrëshkitur nga kati i shtatë.
Pikërisht për këtë ka reaguar ish-futbollisti i Tiranës, tashmë lojtar i Tërbunit, Red Veriu. Ky i fundit është vëllai i të fejuarës së Teqjës, ku fillimisht u “targetua” si shkaku i ngjarjes së tmerrshme. Ai përmes një postimi në rrjetet sociale i bën thirrje medieve të kërkojnë falje, pasi sipas tij gjithçka është pasqyruar shtrembër.
“Përshëndetje! Ku jeni o portale dhe media, se nuk e di çfarë t’iu them… Si e vetëvratë Aldon? Dilni kërkoni falje publike se ishte turp”, shkruan lojtari i Tërbunit, vëllai i të fejuarës së Aldo Teqjës.
Kujtojmë që ngjarja ndodhi të shtunën e javës së shkuar, menjëherë pas përfundimit të ndeshjes mes Partizanit dhe Teutës (1-1).
Loading ...
