Albion Rrahmani ka folur për ndeshjen mes Rumanisë dhe Kosovës, ku pati incidente në shkallët e stadiumit.
Thirrjet e shumta kundër kosovarëve dhe pankartat e shpalosura kundër Kosovës, çuan gati në shtyrjen e takimit. I pyetur nga mediet rumune rreth asaj përballjeje, Rrahmani tha për mediet:
“Nuk e di se çfarë të them, janë gjëra të karakterit politik. Ne shkuam në dhomat e zhveshjes dhe gjyqtari tha se duhet të luanim. Loja vazhdoi, por gjërat nuk shkuan mirë për ne”, deklaroi ai.
Kujtojmë që Albion Rrahmani shkëlqeu mbrëmë në fitoren 3-1 të Rapidit të Bukureshtit kundër Clujit, duke realizuar 2 gola.
