Jasir Asani shkëlqeu sot në Korçë në fitoren 2-1 të Partizanit kundër Skënderbeut. Mëngjërashi arriti të jepte dy asiste, ndërsa në një prononcim për Supersport preku shkurtimisht shumë tema. Në fjalën e tij, Asani deklaroi:
"Mund të them që kur erdha në fillim, i fillova mirë ndeshjet e para. Por, dëmtimi më la disa javë jashtë fushave. Me stafin dhe trajnerin kam marrë formën e duhur. Do të jap më shumë për Partizanin.
Apolonia? Me Apoloninë do të kishim fituar, kishim rastet tona. Por, fati nuk deshi. Sot, u futëm në fushë për ta fituar ndeshjen e pa marrë parasysh kushtet atmosferike.
E ardhmja? Të them të drejtën kam dy oferta, në Izrael dhe Dubai. Unë jam i fokusuar te Partizani. Klubi e ka në dorë. Unë do të jap maksimumin për të marrë rezultatet pozitive.
Derbi? Çdo derbi është i rëndësishëm. Ekipi mezi po e pret atë takim. Skuadra është në rrugën e duhur për të ecur përpara. Dhe me trajnerin Ilir Daja po kemi mundësinë për të treguar kualitetin përpara. Me të kemi shumë liri në lojë", përfundoi ai.
Lexo gjithashtu
