Nuk ka më armiqësi në aksin Vlorë – Korçë, ka lojtarë që shkojnë nga Skënderbeu te Flamurtari dhe anasielltas. Kështu, nuk ka më armiqësi si disa vite më parë ku lojtarët shpesh quhesh “tradhëtarë” për atë që mund të bënin, edhe pse brenda parimeve të futbollit ata tregonin profesionalizëm dhe respektonin kontratën.
Pikërisht këtë sezon është Hektor Idrizaj që ka lënë klubin vlonjat dhe i është bashkuar Skënderbeut në merkaton e verës. Ai ka firmosur kontratë me 7 herë kampionët e vendit, ndërsa i kontaktuar nga tifozët e Skënderbeut ai ka dhënë një intervistë ku përmend faktorët që e çuan në Korçë.
– Hektor, prej më shumë se një jave jeni lojtar i Skënderbeut, cili është impakti juaj i parë për klubin?
Impakti i parë është shumë pozitiv. Të gjithë më kanë pritur shumë mirë edhe ndihem mjaft mirë për këtë lëvizje. Këtu gjithçka ecën në sinkron dhe qetësisht.
-Çfarë ju bindi të firmosni për Skënderbeun?
Ka shumë arsye, por veçanërisht klubi dhe projekti që kryesia me parashtroi, por pa dyshim edhe objektivat madhore që ka klubi i Skënderbeut.
-Agostinelli merr drejtimin e Skënderbeut pas 4 vitesh të arta të Mirel Josës nën drejtimin e klubit, si ju duket puna e Agostinellit deri më tani?
Koha e profesor Mirel Josës ka qënë e artë dhe më duhet ta përgëzoj, besoj edhe mendoj se duhet që ekipi të vazhdojë ecurinë e deri tanishme. Përsa i perket trajnerit Agostinelli, ai po mundohet me shumë punë që të injektojë sa më shpejt filozofinë e tij të lojës edhe deri tani po ecim me ritme shumë të mira.
-Do të luani në Kupat e Europës me një fanellë të re, si ju duket rivali i parë në Champions League?
Rivali që kemi përballë është relativisht i fortë, por ne do të bëjmë çmos të kalojmë më tej dhe pse jo të përsërisim suksesin historik të sezonit të shkuar.
-Mesazhi juaj për tifozerinë korçare?
Premtoj që Hektori do japë maksimumin dhe do kërkoja të vinin sa më të shumtë në stadium në mbështetje të ekipit. Ata janë lojtari ynë i 12-të dhe mbeshtetja e tyre është thelbësore në vazhdim.
