Timis Bardis ishte lojtari që firmosi ditën e sotme me skuadrën e Egnatias. Mesfushori grek pritej te Skënderbeu, por në momentet e fundit u bind nga projekti i klubit rrogozhinas. Ndërmjetës për këtë transferim të tij te Egnatia ka qenë Arbi Laçi. Ish-drejtori sportiv i Tiranës, këtë sezon ka zgjedhur të kontribuojë ndryshe për kampionatin shqiptar.
Fillimisht çoi Herald Markun te Partizani, për të vijuar me qendërmbrojtësin malazez Aleksandër Sofranac. Më tej pasuroi organikën e Kukësit me Shqiprim Taipin, ndërsa së fundmi 24-vjeçarin Bardis te Egnatia. Me Maganin ka bashkëpunuar gjatë kohës kur peqinasi drejtonte dikur Tiranën dhe ia njeh mirë shijet e tij.
I bindur për suksesin e tij kudo që “vë dorën”, Laçi nuk do të ndalet me kaq pasi goditje të tjera janë projektuar nga ana e tij. Priten me interes se kush do të jenë futbollistët e tjerë që do të firmosin në Superligën shqiptare e veçanërisht ata që janë nën përfaqësinë e 32-vjeçarit kryeqytetas.
Loading ...
