Quhet Sofia Calzetti dhe është një 22-vjeçe. Modelja bukuroshe është ylli më i ri që duket se i ka rrëmbyer zemrën sulmuesit të Manchester City-it, Kun Agueros. Sofia ndodhet prej disa javësh në Londër. Mediet britanike raportojnë se biletën e udhëtimit nga Argjentina drejt Anglisë ia ka blerë pikërisht shtatshkurtri.
Pas ndeshjes së djeshme të City-it kundër Burnley, Aguero i dedikoi golin e tretë pikërisht bukuroshes. Menjëherë ajo e shpërndau foton në rrjetet sociale duke e shoqëruar me një zemër. Kun Aguero njihet për flirtet e tij të shumta dhe tashmë duket se ai po përjeton tjetër histori dashurie.