Kukësi pësoi humbjen e radhës në kampionat. Verilindorët u mundën minimalisht 0-1 nga Vllaznia dhe pësuan humbjen e 4-të radhazi. Në fund të ndeshjes për “Gol pas Goli”, trajneri i Kukësit Rrahman Hallaçi u shpreh:
“Situata është shumë e vështirë. I thash skuadrës që mos të mundeshim nga Vllaznia. Është e vështirë pasi nuk marrim dot as barazim dhe është një krizë totale. Mendoj që Vllaznia ishte më lartë se ne dhe më e lirëshme pasi ka edhe pikë në renditje. Në pjesën e parë luajtëm mirë dhe në të dytën morëm golin pas një gabim teknik. Shkuam deri te porta, por nuk shënuam dot gol pasi edhe koha mbaroi.
Fjala titull kampion nuk duhet të permendet më pasi duhet të mendojmë si të dalim nga kjo situatë. Kemi një skuadër cilësore, por po vuajmë shumë për të marrë rezultate. Kjo vuajtje po shkon shumë e gjatë dhe më vjen keq pasi i thashë skuadrës që mos të pësonim humbje e të merrnim një pikë.
Ngërçi psikologjik është i pranishëm, por nuk ka më justifikimi për këtë gjë. Ka qenë i pranishëm, por nuk më justifikime dhe lojtarët me eskperiencë duhet të marrin më shumë përgjegjësi në fushën e lojës.
Skuadra e Vllaznisë është cinike, ka avantazhin e pikëve pasi janë në vend të parë. Është e pafalshme për mua e stafin që të mos marrim një pikë sot, por situata është shumë e ndërlikuar. Të mos jemi në gjendje të marrim një pikë, jemi për t’u kritikuar nga drejtuesit nga i pari te i fundit”.
Kalendari? “Nuk mund të themi që Vllaznia është e fortë dhe Apolonia e lehtë. Problemi është te vetja jona, analizat nuk kanë kuptim pasi në fushë është shumë ndryshe. Jemi zhytyr në këtë situatë të vështirë ku jemi tani.
Kemi folur me lojtarët anësorë që të qendrojmë të mbyllur mbrapa pasi Vllaznia ka lojtarë të mirë në sulm. Shkuam mirë deri diku, por ai gabimi teknik bëri që të pësonim gol. Edhe mesfusha nuk i bëri mirë gjërat dhe Vllaznia ishte më mirë se ne”.
Loading ...
