Barcelona mori një humbje surprizë 1-2 në shtëpi nga Granada. Katalanasit humbën shansin e artë për të marrë vendin e parë të La Ligas pasi me një fitore sot do të kishin parakaluar Realin dhe Atletiko Madrid. Në fund të ndeshjes, trajneri i Barcelonës u shpreh i zhgënjyer për këtë humbje, ndërsa komentoi edhe kartonin e kuq që mori në këtë ndeshje.
Kartoni i kuq? ” Nuk e kuptova arsyen. Sipas Carlos Naval , unë nuk kam respektuar gjyqtarin e katërt, por nuk kam thënë asgjë të keqe. Nuk e fyeva atë, është e pabesueshme, por nëse gjyqtar i katërt dëshiron të jetë në qendër të vëmendjes është çështje tjetër. Unë thashë diçka, por me gjithë respektin e duhur për. Ai u përgjigj ndaj meje në një mënyrë që nuk ishte aq e këndshme dhe nuk më respektoi. Nëse ata vendosin diçka në raport që unë nuk e kam thënë, atëherë do të duhet të bëj diçka për këtë”.
Humbja? “Përqendrimi ynë në mbrojtje nuk ishte aq i mirë në pjesën e dytë. Krijuam raste për të shënuar, veçanërisht kur ishim 1-0, por humbëm përqendrimin tonë. Kjo është arsyeja pse kemi humbur, dhe ata na mbyllën mirë. Duhet të pranojmë që kemi humbur, por jemi të zhgënjyer sepse kjo ishte një mundësi e madhe.
Tani duhet të jemi gati për të dielën. Kemi pesë ndeshje të mbetura dhe të gjitha janë të vështira. Duhet t’i fitojmë 5 ndeshjet për të qenë kampionë”.
Loading ...
