Laçi të dielën në mbrëmje ka luajtur finalen e Superkupës së Shqipërisë, ku është mundur me rezultatin 3-2 ndaj Skënderbeut. Pas kësaj sfide drejtuesit e skuadrës janë vënë menjëherë në lëvizje dhe është zyrtarizuar mesfushori Bojan Najdenov, i cili në sezonin e fundit është aktivizuar me skuadrën e Esteghlal në Iran.
26 vjeçari maqedonas njihet për një karakteristike shumë të veçantë. Shtatlarti ka një kordinim shumë të mirë nga distanca, duke shënuar supergola me një goditje shumë të fortë. Një "ngërç" për kurbinasit do të jetë e ardhmja e sulmuesit Uzuni, i cili në rast se do të largohet, atëherë do të jetë një mungesë e madhe për të besuarit e Mërgjyshit, të cilët vetëm pak javë më parë kanë parë të largohet "bomberi" Reginaldo, duke iu bashkuar Kukësit të Armando Cungut.
Lexo gjithashtu
