Është hedhur në Kolumbi shorti i Kupës Amerika, që do të zhvillohet në vitin 2020. 12 ekipet pjesëmarrëse kanë mësuar kundërshtaët, të ndarë në dy grupe përkatëse. Short i vështirë duket për Argjentinën, me organizatorët që kanë “peshkuar” ekipe të njohura si Kili apo Uruguai.
Ndeshja hapëse do të jetë ajo mes Argjentinës dhe Kilit, që do të zhvillohet në 12 qeshor në Buenos Aires. Brazili nga ana tjetër duket në një grup më komod, duke gjetur ekipe si Kolumbia apo Peruja. Dy ekipet e ftuara në këtë kompeticion janë Australia dhe Katari, që plotësojnë 12 pjesëmarrësit. Ndeshjet do të luhen në Argjentinë dhe Kolumbi.
