Harry Kane arriti të shënonte njërin nga golat e Anglisë në fitoren kundër Italisë, takim i vlefshëm për eliminatoret e Euro 2024. Ky gol është shumë i veçantë për kapitenin e “Tre Luanëve” që arrin kështu të vendosë një rekord historik.
Tashmë është bërë golashënuesi më i mirë i kombëtares angleze me 54 gola në 81 ndeshje duke lënë kështu prapa Wayne Rooney që nga 2015 me 53 gola. Për “Channel 4’ lojtari i Tottenham do të theksonte se:
“Rekordi do të thotë gjithçka. Isha shumë i emocionuar kur vesha fanellën e Anglisë. I takoi të ishte një penallti dhe emocioni kur preku rrjetën ishte i jashtëzakonshëm. Ishte një moment magjik. Vendosa ku do ta godas dhe nuk isha nervoz.
Ishte thjesht një natë e shkëlqyer. Nuk fitonim në Itali prej një kohe të gjatë dhe të shënosh dhe fitosh është kaq speciale. Mënyra se si u larguam nga Botërori ishte i hidhur, por ne folëm gjatë kësaj jave për atë dhe duhet ta hedhim pas krahëve. Jemi një prej ekipeve më të mira të Europës. Arritja e kësaj fitoreje tregon se jemi gati për sfidën”.
RECORD: Harry Kane has become England’s all-time top goalscorer with 54 goals. ⚽️
54 – Harry Kane
53 – Wayne Rooney
49 – Bobby Charlton
48 – Gary Lineker
44 – Jimmy Greaves pic.twitter.com/iKgwb6ifyX— Football Tweet ⚽ (@Football__Tweet) March 23, 2023
