Në një intervistë të dhënë për Supersport, Hamdi Salihi ka rrëfyer thuajse gjithçka. Nga dëmtimi që po kalon, tek barazimi në Tiranë, rivaliteti me Kukësin dhe Partizanin por dhe polemika me Dajën. Në fund ai ka folur dhe për rivalitetin me Pero Pejiç.
“Jemi munduar gjatë javës me stafin mjekësor dhe trajerin për të mos rrezikuar pasi kisha një kontraktim të aduktorin. Sot jam futur pak me grupin. Shpresoj që nesër të mos kem shqetësime dhe ta luaj ndeshjen deri në fund. Jemi në fazën finale të kampionatit, jo se luajmë kundër Kukësit por kujtdo skuadër, tani do të sakrifikojmë për të marrë maksimumin.
Në fazën që po kalojmë na duhen pikët e plota pasi nuk ka më vënd për të bërë gabime. Të kishte qenë një moment tjetër, ai barazim 2-2 me Tiranën do të ishte i vlefshëm me atë lojë të mirë që bëmë.
Përsa i përket përballjeve direkte me Partizanin dhe Kukësin, takime që nuk i kemi fituar, mund të them se nuk kemi patur fatin me vete edhe pse kemi luajtur mirë. Ndeshjet e mbetura duhet ti shfrytëzojmë për të fituar edhe kundër rivalëve.
Kukësi apo Partizani?! Të dyja kanë stile të ndryshme loje dhe interpretojnë ndryshe lojën për të arritur te objektivi.
Raporti me trajerin?! Më vjen keq sepse ka shumë gazetarë që shkruajnë e flasin. Më vjen keq që është aluduar për këto gjëra. Nuk ka patur asnjë problem as me trajnerin dhe as me ndonjë lojtar tjetër. Asgjë nuk ka patur.
Dueli me Pero Pejiç, unë kam respekt për Peron pasi është një lojtar profesionist dhe jep më të mirën për skuadrën e tij. Rivaliteti nuk është tek unë apo Pejiç por tek Skënderbeu dhe Kukësi. Dy golashënues nuk kanë vlera nëse nuk e kanë skuadrën me vete.
Lexo gjithashtu
