Pas përfundimit të takimit dhe humbjës në shtëpi ndaj Luftëtarit, ka folur për mikrofonin e Supersport trajneri Gugash Magani.
“Kemi ardhur pas disa ndeshjeve pozitive dhe sot luajtëm ndaj një kundërshtari direkt. Futbolli është i pamëshirshëm dhe mendoj se ishte ndëshkim i merituar. Kemi bërë një ndeshje të dobët dhe nuk kemi reaguar. Kemi humbur qetësinë dhe nuk kontrolluam as lojën dhe as topin. Nuk e menaxhuam mirë ndeshjen.
Futbolli ka tre rezultate brenda dhe Luftëtari kërkoi më shumë dhe e meritoi fitoren.
Pika në Korçë nuk ka ndikuar mirë te disa lojtarë. Shyqyr që erdhëm tani me këmbë në tokë. Ne kemi rrezikuar seriozisht për të rënë nga kategoria”, përfundoi Magani.
Loading ...
