Futbollisti i Kombëtares sonë Eros Grezda mendon se Shqipëria ka shanse të mira për t'u kualifikuar në kampionatin europian të 2020. Në një intervistë për "A2 CNN", anësori 23-vjeçar që luan për Glasgow Rangersin rrëfeu se për rezultatet zhgënjyese të vitit 2018 të Shqipërisë nuk është përgjegjës tekniku Panucci.
"Jeta në Skoci? Në Glasgoë fryn një erë e ftohtë dhe bie shi pa pushim, por tani kam filluar të njoh qytetin dhe më pëlqen, sidomos njerëzit. Dy muaj shumë të vështirë, sepse të tjerët ishin në formë, kurse unë nuk kisha luajtur asnjë ndeshje. Ndeshjet e kombëtares më ndihmuan që të kapja ritmin e garës.
Steven Gerrard? Profesionist i vërtetë, modest, shpeshherë luan në stërvitje me ne. Kur humbasim ndonjë ndeshje, më mirë të mos dalim në rrugë atë ditë, por fatmirësisht këtu luhet çdo tre ditë dhe gjithçka harrohet shpejt.
Debutimi spektakolar? Hera e parë që luajta si titullar, shënova dy gola dhe u zgjodha si lojtari i javës. Ishte vërtetë një ndjenjë e paharrueshme, por gjithsesi do të zgjidhja të fitoja kampionatin sesa të realizoja gola.
"Jermain Defoe? (sulmuesi i ri i Glagow Rangersit)? Një mit, e ndiqja në televizor te Totenhami, por kemi role të ndryshme.
Panucci dhe Kombëtarja: Viti i kaluar nuk ka qenë nga më të mirët, por këtë vit duhet të mësojmë nga gabimet dhe të arrimë kualifikimin në Evropian. Panuçi nuk ka pasur faje, e çmoj se është profesionist i vërtetë.
Kualifikimi në Evropian? Nuk mendoj se është i vështirë, përveç Francës, është një grup i miksuar mirë, ku secili mund të fitojë me tjetrin",- u shpreh sulmuesi 23-vjeçar", u shpreh Grezda.
