4 shtator 2004. Kombëtarja shqiptare e futbollit fitoi 2-1 me Greqinë (kampione e saposhpallur Europe) për kualifikueset e Botërorit 2006. Festa në të gjitha trojet shqipfolëse ishte legjitime. Një gjë e tillë ndodhi edhe në Greqi, ndërsa në Tsilivi, një fshat në Zakynthos të Greqisë do ndodhte tragjedia.
20 vjeçari shqiptar, Gramoz Palushi po festonte me të vëllanë dhe një kushëri fitoren e kuqezinjve me flamurin në krah. Dy të rinj grek u konfliktuan me shqiptarët, teksa si pasojë mbeti pa jetë 20 vjeçari Gramoz Palushi.
Kjo ngjarje shkaktoi protesta të shumta në disa qytete në Greqi dhe Shqipëri. Autori i vrasjes, Panagiotis Kladis, fillimisht u dënua me burgim të përjetshëm, por më pas dënimi i tij u zvogëlua në 22 vite nga një gjykatë greke në fillim të vitit 2010.
Ngjarja - Më 4 shtator 2004, pas fitores së Shqipërisë ndaj Greqisë në kualifikueset e Kupës së Botës 2006, Gramoz Palushi, vëllai i tij dhe një shqiptar tjetër u sulmuan në ishullin Zakynthos nga Panagiotis Kladis dhe një grek tjetër. Gramozi u qëllua për vdekje me thikë në bark nga Kladis, kurse dy shqiptarët e tjerë u plagosën.
Policia greke arrestoi dy autorët e këtij sulmi. Në vitin 2006, Kladis u dënua me burgim të përjetshëm kurse katër vite më pas dënimi i tij u shkurtua në 22 vite burgim. Bashkëpunëtori i tij u dënua me dhjetë muaj burg dhe tre vite të tjera lirim me kusht.
Sot, në 17 vjetorin e ndarjes nga jeta të Gramozit, Tifozët Kuq e Zi kanë përkujtuar shqiptarin që ra për flamur.
Lexo gjithashtu
