Rei Manaj ka arritur të shënojë sërish në ndeshjen miqësore të Barcelonës kundër Gironës. Sulmuesi kuqezi tundi rrjetën në sfidën e dytë radhazi duke treguar formën e mirë që po kalon. Federata Shqiptare e Futbollit ka ngritur në “qiell” bomberin lushnjar duke i dedikuar disa rreshta në kanalin zyrtar.
“Rei Manaj vazhdon të tregojë formën e tij të shkëlqyer me ekipin e parë të Barcelonës, teksa ka shënuar një tjetër gol.
Në miqësoren e zhvilluar ndaj Gironës, sulmuesi kuqezi ka gjetur sërish rrjetën, pas një pasimi të marrë brenda zonës, duke shënuar një gol që kalon mes këmbëve të portierit.
Rei Manaj ishte pjesë e blaugranëve që në minutën e parë të sfidës dhe po shfrytëzon momentet e mira që po kalon në radhët e katalansve.
Ky ishte goli i katërt i bomberit shqiptar, që disa ditë më parë shënoi tripletë me Barcelonën, duke u lakuar në mediat botërore dhe duke shtuar interesin e një sërë klubesh europiane për të blerë kartonin e tij”, shkruhej në faqen zyrtare të FSHF-së.
