Me propozimin e kryebashkiakut të Elbasanit, Qazim Sejdinit, futbollistit Armando Sadiku, autorit të golit të vetëm për ekipin e Shqipërisë në Euro 2016, iu akordua sot paradite nga Këshilli Bashkiak titulli “Qytetar Nderi i Elbasanit”. Armando Sadiku është qytetar i Elbasanit dhe karrierën e tij futbollistike e nisi në këtë qytet. Në moshën 18-vjeçare u largua për të luajtur në Zvicër, për të kaluar më pas në Kombëtaren U-21 dhe në Kombëtaren e madhe, madje për t’u bërë një nga titullarët e saj më të rëndësishëm, siç e pamë edhe në Francë, ku trajneri De Biazi i besoi formacionin në të tria ndeshje që kombëtarja jonë luajti. Goli i tij është historik dhe për këtë arsye Bashkia e Elbasanit e ka vlerësuar me këtë titull.
Poll
Lexo gjithashtu
