Elbasani do të sfidojë Vorën ditën e nesërme në transfertë në orën 13:30 për javën e 13-të të Kategorisë së Parë. Një superduel që vë përballë dy kampionët në fuqi të grupeve në Kategorinë e Dytë dhe pretendentë kryesor për vendet e para këtë sezon në të Parën.
Verdheblutë do të duhet të bëjnë pa sulmuesin Spartak Ajazi. Bomberi pësoi një dëmtim të rëndë në ligamentin anterior i është nënshtruar operacionit. Lojtari do të mungojë për një kohë të gjatë deri në rekuperimin e plotë të tij!
Dëmtime të tilla parashikohen së paku 6 muaj larg dhe në këtë mënyrë Ajazi rrezikon seriozisht sezonin. Këtë kampionat, ish-bomberi i Kastriotit ka qenë peng i dëmtimeve teksa më parë ka patur probleme edhe me shpatullën duke bërë që të luajë vetëm 4 ndeshje me fanellën verdheblu.
Lexo gjithashtu
