Gjoka kërkon përqëndrim: Jane takime delikate, na duhet goli i dytë

Ernest Gjoka, trajneri i Kukësit, pas fitores mjaft të rëndësishme kundër Flamurtarit, ka folur për Supersport.

“Këto janë ndeshje të vështira dhe ne na duhej vetëm fitorja. Kaluam një ndeshje të luftuar dhe në fund morëm tre pikët.

Janë ndeshje delikate dhe duhet bërë goli i dytë, pasi kundërshtari merr zemër dhe nuk ka çfarë humbet.

Musolli kishte probleme dhe mezi e shtyu, duke sakrifikuar. Më duhej patjetër të futej Karioka dhe dogjëm një ndërrim. Futja e Gurit ishte e rrezikshme, por ai i bëri detyrat.

Duhet që të vijojmë të përqendrohemi dhe të jemi kërkues ndaj Korabit, pavarësisht se kë kemi përballë”, përfundoi Gjoka.