Gjici zbulon sekretin e Kupën së Shqipërisë, shtangen lojtarët

Gjatë takimit me skuadrën para ndeshjes së sotme me Rudarin në Europa League, presidenti i Kukësit, Safet Gjici, i ka shtangur të gjithë me deklaratën e tij. “Panorama Sport” raporton fjalën e numrit 1 të klubit kuksian drejtuar lojtarëve: “Tani tregoni sa vleni, sepse Kupën e Shqipërisë e fituat falë meje dhe investimeve që unë kam bërë. Në Eruopë duken këllqet”, – është shprehur presidenti Gjici, i cili më pas është munduar ta modifikojë deklaratën e rëndë për futbollistët me pak diplomaci: “Kam shumë besim te ju dhe pres fitoren”. Presidenti Safet Gjici njihet për deklaratat e tij të drejtpërdrejta, siç është edhe kjo para një ndeshjeje, ku pritet të hidhet hapi i parë drejt kualifikimit për në turin tjetër.