Ditën e djeshmë janë luajtur takimet e radhës në Kategorinë e Dytë. Pas ndalesës prej pandemisë në fushë janë rikthyer edhe skuadrat që militojnë kategori që të mbyllin sezonin në fushë.
Gara në të dyja grupet është mjaft e ashpër dhe deri në fund pritet të jetë tepër emocionuese. Me humbjen e djeshme te Tomorit dhe fitoret e Maliqit dhe Albpetrolit bëhen 3 skuadra me pikë të barabarta në klasifikim, 40 pikë.
Vendi I parë mbahet nga skuadra beratase, ndërsa Maliqi dhe Albeptroli ndjekin në vendet e 2-3. Një garë tepër e fortë me këto 3 ekipe që do të diskutojnë një "biletë" për në Kategorinë e Parë, por edhe ndeshjen "Play-off" në grupi B.
Një garë e "ashpër është edhe në Grupin A, me Vorën dhe Luzin që synojnë të arrijnë në Kategorinë e Parë. Ditën djeshme të dyja ekipet arritën të merrnin fitore në ndeshjet e tyre e tashmë diferenca është vetëm një pikë. Vora udhëheq kampionatin me 40, ndërsa Luzi në vendin e dytë me 39 pikë.
Lexo gjithashtu
