Nuk ka qenë një javë e mirë për ekipin e Akhmat Groznyt ku luajnë shqiptarët Bernard Berisha, Odise Roshi dhe Bekim Balaj. Ekipi çeçen është mposhtur dje me rezultatin 1-2 përballë Uralit. Grony kaloi i parë në avantazh, por të zotët e shtëpisë ia dolën të përmbysnin rezultatin dhe të merrnin tre pikët. Berisha luajti 90 minuta të plota, por nuk arriti të bënte paraqitjen e një jave më parë. Roshi është i dëmtuar duke qenë i pamundur për t’i shërbyer ekipit të tij. Balaj mbajti stolin duke parë ekipin e tij të mposhtej.
Skuadra rrezikon rënien nga Superliga ruse ku në pesë javë ka marrë një fitore, një barazim dhe 3 humbje.
Loading ...
