FSHF mbyll seminarin me temë “me fair në fushë”, mësazhe sensibilizimi përpara nisjes së kampionatit

Përpara nisjes së pjesës së mbetur të kampionatit, Federata Shqiptare e Futbollit ka organizuar një seminar, ku kanë qenë të pranishëm arbitra, kapitenë dhe gjyqtarë, të cilët kanë diskutuar mes tyre për problemet aktuale që ka futbolli, kryesisht lidhur me gjykimin, si dhe kanë dhënë komentet e tyre lidhur me përmirësimin e disa prej problemeve aktuale në futbollin vendas.

Në këtë seminar ka qenë i pranishëm dhe sekretari i përgjithshëm i federatës, Ilir Shulkja, i cili ka kërkuar nga të gjithë të pranishmit të shprehin shqetësimet, si dhe ndryshimet të cilat mund të ndikojnë pozitivisht në këtë pjesë të fundit të kampionatit.

Ky seminar ka qenë një takim sensibilizues, është zhvilluar në “Selman Stërmasi” dhe objektivi kryesor ka qenë sensibilizimi i të gjithë drejtuesve për një “fair-play” në fushën e blertë.