Trajneri Xhani De Biazi duket se e ka vendosur se si do të luajë ndaj Italisë, nesër në mbrëmjue, ora 20:45, në “Renzo Barbera” të Palermos.
Mes mungesash me peshë në prapavijë, për shkak lëndimesh apo pezullimesh, 60-vjeçarit nga Sarmede i është dashur të “meremetojë”. Duke nisur nga porta, së cilës i mungon titullari i padiskutueshëm, Etrit Berisha. Pritet që në këtë sfidë kualifikuese të debutojë Thoma Strakosha, 20 vjeç, i cili është pjesë e Lazios dhe ka eksperiencë tashmë në kampionatin italian. Djali i legjendës së portës kuqezi, Foto Strakosha, duket se ka fituar balotazhin me Alban Hoxhën, duke iu besuar atij ruajtja e katërkëndorit me axurrët.