Tirana ndodhet në Zllatibor të Serbisë ku po zhvillon fazën përgatitore. Bardheblutë kanë mbyllur edhe ditën e katërt të përgatitjeve në tokën serbe, ku forma e grupit është përgjithësisht e mirë, me përjashtim të Gilman Likës që është stërvitur në palestër pas një shqetësimi në gju. Gjithashtu edhe sulmuesi nigerian po ndjek një stërvitje të diferencuar, ku më pas pritet t'i bashkohet edhe grupit. Këtë e njofton Tirana në faqen e saj zyrtare.
" Bardheblutë kanë vijuar sot pasdite përgatitjet e rradhës në kompleksin stërvitor në Zlatibor. Paraditja ka qenë e lirë për skuadrën ndërsa pasdite bardheblutë kanë marrë ngarkesë të plotë fizike. Gilman Lika nuk është stërvitur me skuadrën për shkak të një problemi në gju por ka zhvilluar një program individual në palestër. Te diferencuar janë stërvitur Bajrami dhe Emeka. Mesfushori nga Prishtina ka pësuar një dëmtim të lehtë ndërsa sulmuesi nigerian po ndjek një program individual për tu bashkuar me skuadren në ditët e ardhshme. Pjesa tjeter e kontigjentit bardheblu po kalon një formë të mirë. Nesër në program janë dy seanca stërvitore, ndërsa të shtunën është rezervuar të luhet ndeshja miqësore përballë malazezëve të OFK Grbalj", ishte njoftimi në facebook i skuadrës kryeqytetase.
[gallery columns="1" size="full" ids="19009,19010,19011,19012,19013,19014,19015,19016"]
Lexo gjithashtu
