U përfol për disa ditë, por siç duket nuk ka çështje “Kotobelli” te Kukësi. Mbrojtësi i majtë i verilindorëve është rikthyer në stërvitje me skuadrën. Ai ka bërë një postim në rrjetet sociale ku shfaqet gjatë seancës së sotme me nënkampionët. Pritet të shihet nëse mëngjërashi do të jetë në formacion në transfertën e vështirë të Laçit.
Kujtojmë që pas ndeshjes me Teutën, Kotobelli u përplas me stafin teknik pas zëvendësimit në minutën e 50-të. Kaq mjaftoi dhe në shenjë ndëshkimi, në klub e pezulluan, por siç duket dënimi ka zgjatur vetëm pak ditë. Nevoja emergjente në prapavijë dhe cilësitë e lojtarit kanë bindur stafin teknik për ta pasur sërish në skuadrën e parë. 28-vjeçari po kalon një formë të mirë, pavarësisht se minutazhi i tij ka qenë i paktë në këtë edicion futbollistik.
Loading ...
