Partizani ditën e djeshme fitoi ndeshjen e javës së dytë të Superiore ndaj Kamzës me një gol të shënuar me goditje dënimi nga Bruno telushi. Megjithatë, këtë sezon të kuqtë po i bëjnë llogaritë pa një lojtar që ishte shumë i rëndësishëm për 15 herë kampionët e vendit. Bëhet fjalë për Idriz Bathën, që është bashkuar me Flamurtarin, pas problemeve që pati me ish-klubin e tij për çështje të rrogës.
Mirëpo pavarësisht të gjithave, ende ka vend për nostalgji. Në një foto të postuar në rrjetet sociale, kapiteni i Partizanit, Lorenc Trashi shihet së bashku me Idriz Bathën me një altoparlant në dorë, duke festuar së bashku me tifozët, ku “demat” luajtën ndaj Skënderbeut në Korçë.
Loading ...
