Foto/ Tirana vijon përgatitjet intensive, priten afrime të reja

Skuadra kryeqytetase e Tiranës vijon përgatitjet për sezonin e ri futbollistik 2016-2017. Grupi duket më i plotësuar pas afrimeve të reja në skuadër, të cilët janë vënë nën urdhrat e trajnerit Ilir Daja. Nëpërmjet një postimi në facebook, klubi ka njoftuar se si ka vijuar përgatitja e sotme e bardhebluve.
” Skuadra vijon përgatitjet intensive për sezonin e ri. Bardheblutë nën drejtimin e trajnerit Ilir Daja kanë zhvilluar sot seancën e rradhës stërvitore në “Skender Halili”. Paraditja e ka gjetur skuadrën në palestër ndërsa pasditja në kompleksin stërvitor. Ekipi me afrimet e fundit ka nisur të kompletohet ndërkohë që në ditet në vijim priten të tjera afrime. Bardheblutë do të qëndrojnë në kryeqytet edhe për pak ditë për tu larguar në datën 17 korrik drejt Zllatiborit ku do të qëndrojnë për një periudhë dy javore“, shkruhej në njoftimin zyrtar në facebook.
Projekti i klubit bardheblu duket shumë serioz këtë sezon, teksa në skuadër janë afruar shumë lojtarë cilësorë. Tirana, skuadra më e titulluar në Shqipëri, do të tentojë të fitojë titullin e 25-të këtë sezon.