Tirana rikthehet këtë vit në Superligë pas një viti mungesë, me bardheblutë që do kërkojnë debutimin me fitore përballë Kamzës të shtunën në “Selman Stermasi”.
Ndërkohë sot klubi kryeqytetas ka prezantuar dhe fanelat e reja për sezonin e ri, duke i dhënë skuadrës një pamje realisht mahnitëse. Sponsori teknik i bardhebluve “Macron” edhe këtë vit ka dizenjuar një fanelë të posaçme për klubin e Tiranës, ashtu siç është bërë traditë këto tre vitet e fundit, natyrisht duke ruajtur traditën historike të shiritave të alternuara bardheblu. Kjo përfshin fanelën e parë, të dytë dhe të tretë, si dhe uniformat e stërvitjes dhe të delegacionit para dhe pas ndeshjeve.
Më poshtë keni shkurtimisht galerinë e të gjitha uniformave të prezantuar nga klubi.