FOTO/ Tirana e pret të kthehet në kryeqytet, sulmuesi afrikan reagon në ditën e ndeshjes ndaj Flamurtarit

Junus Sentamu pritet të rikthehet në Shqipëri. Sulmuesi afrikan ka “ngecur” pranë familjes së tij për shkak të problemeve me pasaportën. Megjithëse për të ka pasur një sërë reagimesh, ai kurrësesi nuk ka pranuar të prononcohet duke respektuar në këtë mënyrë kontratën me klubin e Tiranës.

Sot, bardheblutë do të luajnë kundër Flamurtarit, ndeshje e vlefshme për Kupën e Shqipërisë. Pikërisht në ditën e sfidës, Sentamu ka reaguar nga Afrika duke i uruar fat shokëve të tij në fushën e “Selman Stërmasit”. “Paç fat familja ime, Tirana. O Zot mbroji ata”, shkruan ai duke e ilustruar me një foto të ekipit bardheblu.