Tirana humbi 1-0 sot ndaj Duddelange, për ndeshjen e parë të turit të parë kualifikues në Champions League. Në Luksemburg sfida u vendos nga goli i Hassan në minutën e 71, ndërsa bardheblutë e Orges Shehit nuk treguan pothuajse asgjë nga potenciali i tyre.
Vetëm një gjuajtje në portë në të 91 minutë nga Ismajlgeci është shumë pak për kampionët e Shqipërisë, që panë mbajtje topi 55 përqind, kundër 45 përqind të kundërshtarëve.
Vetëm gjashtë aksione të rrezikshme pati Tirana, kundrejt 10 të vendasve. Sfida e kthimit luhet në 12 korrik në 20:00 në “Air Albania”, ndërsa Limaj është mungesë e sigurt te Tirana pas kartonit të kuq që mesfushori mori sot.
Poll
Lexo gjithashtu
