Ditën e shtunë, në orën 16:00 do të luhet ndeshja e javës së 4 në Superiore. Një prej takimeve është ai mes Teutës dhe Vlaznisë në “Niko Dovana”. Sot, durrsakët, kanë zhvilluar seancën e radhës stërvitore, ku do të kërkohet fitorja me patjetër, raportohet në faqen zyrtare të klubit durrsak.
Basit Abdul Khalid, sulmuesi më I ri I Teutës, është stërvitur sot me pjesën tjetër të skuadrës dhe mbetet për t’u parë nëse në takimin e radhës do të marrë minuta në këmbët e tij.
Deri më tani djemtë e drejtuar nga “Bledi Shkëmbi” kanë arritur të marrin 7 pikë në 3 ndeshje, duke u renditur në vendin e parë së bashku me Kukësin dhe Tiranën.
Në anën tjetër, Vllaznia ka vetëm 4 pikë në renditje, pasi shkodranët u mundën në ndeshjen e fundit nga Tirana në “Loro Boriçi” me rezultatin 0-2.
Loading ...
