Faite Reginaldo në ndeshjen e parë të raundit të tretë në Europa League që Kukësi e luajti në Gjeorgji ishte një ndër protagonistët e ndeshjes, por në anën negative. Sulmuesi pati shumë raste për gol, por nuk mundi të dërgojë asnjë top në rrjetë dhe kështu skuadra e tij pësoi një disfatë të thellë 5-2.
Megjithatë lojtari nuk dorëzohet. Në një postim në rrjetet sociale, Reginaldo tregon se ai e di mirë se nga vjen, kush është dhe ku do të shkojë.
“Unë e di se nga kam ardhur, ku jam dhe ku po shkoj. Gjithmonë i fokusuar, i bekuar”, shkruan ish-futbollisti i Laçit.
Të enjten verilindorët do të presin Torpedon në “Elbasan Arena” për ndeshjen e kthimit dhe të shohim nëse Cungu do e besojë edhe një herë që nga minuta e parë lojtarit në fjalë.
Loading ...
