Blerim Kotobelli është një nga lojtarët, pjesë e rëndësishme e sezonit të ri futbollistik për Teutën. Mbrojtësi i majtë me një eksperiencë të madhe në kampionatin shqiptar ndodhet në Korçë, atje ku “Djemtë e Detit” po zhvillojnë një mini-fazë përgatitore.
Ai ka bërë një postim në rrjetet sociale ku shfaqet mjaft i motivuar gjatë seancës që drejtohet nga trajneri Renato Arapi. Eksperienca e madhe në kampionatin shqiptar dhe kontributi për shumë vite te Teuta, padyshim e bëjnë atë titullar fiks në formacionin durrsak.
Prej ditësh, “Djemtë e Detit” janë zhvendosur në Korçë ku po marrin ngarkesën e duhur për sezonin e ri futbollistik.
