Nesër, në orën 19:00, Partizani do të luajë ndehsjen e kthimit në Champions League ndaj Qarabagut. Të kuqtëm nën drejtimin e trajnerit Franco Lerda, sot, kanë zhvilluar edhe seancën e fundit stërvitore, raportohet në faqen zyrtare të klubit të kuq.
Të gjithë lojtarët janë të gatshëm dhe me shumë interes pritet të mësohet edhe rreshtimi i kampionëve të vendit. Ndërkohë, po me aq vëmendje pritet të mësohet edhe çështja e Trashit, nëse anësori do jetë përsëri në stol këtë sfidë, ashtu sikurse ndodhi në “Selman Stermasi”, takim që përfundoi me rezultatin 0-0.
Kampionët e Shqipërisë duken disi më të favorizuar nga rezultati, sepse për të kaluar më tej, u mjafton edhe një rezultat 1-1, duke u kualifikuar me gol në fushën kundërshtare. Të presim dhe të shohim se ç’do të ndodh në fushën e lojës.